Presidenti Ilir Meta ka folur në lidhje me përplasjen me Policinë Bashkiake e ndodhur pak ditë më parë në ambientet e partisë Fryma e Re Demokratike.
Meta tha se ka shkuar në ambientet e FRD pas një telefonate qe kishte marrë nga Sali Shehu.
Sipas tij, ku ka shkuar atje një nga personat ka ka goditur një nga drejtuesin e FRD për Tiranën dhe personat që shoqëronin atë. Presidenti thotë se u tentua një akt terrorizmi ndaj një subjekti politik.
“U nisa drejt zyrave të FRD pas telefonatës së Sali Shehu. Kur kam shkuar aty kam parë tensionin dhe një përpjekje jo të drejtpërdrejtë për të më penguar. Në atë moment një person i skeduar goditi drejtuesin e FRD të Tiranës dhe disa nga personat që më shoqëronin mua. Ajo skenë më kujtoi dhunën ndaj banorëve të Astirit, banorëve të Bregut të Lumit, banorëve të Shkozes. Në mes të Tiranës pati përpjekje për të terrorizuar dhe dhunuar një forcë të ligjshme politike. Roli i Presidentit nuk është të mbroj selitë e partive, por të mbroj pluralizmin politik kur ai cenohet.”-tha Meta në Syri Tv./Opinion.al
