Kryetari i Partisë Demokratike, Lulzim Basha shprehet i bindur se ka mbështetjen e demokratëve të cilët janë kundër Sali Berishës.
Gjatë një interviste televizive, Basha tha se Berisha u dërgon mesazhe anëtarëve të PD që mos të shkonin në Këshillin Kombëtar.
Ndër të tjera, kryedemokrati tha se aktualisht “ndihem më i çliruar në 16 vjet.”
“Jo nuk jemi pakicë, sepse vendos me çfarë metri e mat. Shumica e qytetarëve duan largimin e Edi Ramës. Unë ndihem jo vetëm i përligjur në vendimin që kam marrë, por ndihem më i çliruar në 16 vjet. Sic ndihem unë nga barra e të së kaluarës, ashtu ndihen edhe demokratet. Nëse do ta shikosh hajde ne 18 dhjetor. Është turp ti shkosh prapa një shfaqje. Shumica nga foltorja dolën me sytë e ulur përdhe. Thonin 70 dhe lexonin 30-40 anetare. Në fakt nuk ishin as gjysma e tyre delegatëve. A ka dhuratë më të madhe për Edi Ramën dhe këtë regjim?! Ne vendosëm asimetrinë. Të jesh i sigurt se foltoret e Bashës mund të bëheshin 10 herë më të mëdha. Po zgjodhëm një model ndryshe. Nuk është e lehtë të reflektosh, por duhet edhe të veprosh. Veprimi i parë ndryshe është mos ti përgjigjesha Berishës me foltore. Nëse ne jemi pakica, pse Berisha ka frika ta tregojë këtë dhe i dërgon mesazhe anëtarëve që mos shkojnë në këshillin kombëtar”, tha Basha./ Opinion.al
