Policia greke ka arrestuar ditën e sotme në Prevezë dy shqiptarë. Sipas informacioneve, të arrestuarit janë një mashkull dhe një femër.
Të arrestuarit kanë ndihmuar grabitësit nga Shqipëria, të cilët dje shkëmbyen zjarr me forcat e policisë greke në Korinth. Ata besohet se kanë ndihmuar vazhdimisht 3 grabitësit, raportojnë mediat helene.
Çifti shqiptar dyshohet se merrte makina me qira për llogari të tre grabitësve. Dyshohet se grupi i grabitësve janë të përfshirë në disa vjedhje, përfshirë Bankën e Pargës dhe kohët e fundit fshiheshin në Shqipëri.
Policia e vendit fqinj ka lajmëruar se në orët në vazhdim do të japë informacion zyrtar në lidhje me arrestimet. Kujtojmë se dje shqiptarët janë përplasur me armë me policinë greke, e për rrjedhojë 2 persona janë plagosur./ Opinion.al
