Dëgjesat e kryeministrit Rama me banorët e Shkodrës nuk kanë shkuar dhe aq qetësisht. Hallet e shumta të qytetarëve por siç duket dhe lodhja e Kryeministrit nga vrulli i ditëve të para, sollën herë pas here përplasje në debat mes tyre.
Një prej tyre ishte dhe një zonjë e cila iu prezantua Kryeministrit si anëtare e PS. Por një ankese e saj për Drejtorët e PS-së dhe problemi i papunësisë duket se nuk u prit mirë nga Rama, i cili u kujdes ti kujtonte se nuk janë në mbledhje partie.
Debati:
Zonja: I urojmë mirëseardhjen kryeministrit Rama dhe shpresojmë më të mirën se do të bëhet këtë 4 vjeçar. Duke marrë parasysh se të gjithë jemi hallexhinj dhe me u ngrit të gjithë me fol personalisht ma merr mendja se është e tepërt se nuk jemi para gjyqit këtu dhe drejtorët me i nxjerr. (I ndërhyjnë banorët e pranishëm në takim)
Zonja: Avash avash, pse ndërhyni, pse u djeg? Unë për vete në rradhë të parë dhe më bëhet qejfi që jam përballë jush zoti Kryeminstër, kam rezervat e mia për këta Drejtorët tanë në rradhë të parë.
Rama: Kush janë tonët?
Zonja: Drejtorët që i ke këtu, personalisht.
Rama: Kush janë tonët dhe kush janë të atyre, se nuk e kuptova?
Zonja: Aaa, aaa. Nuk e kuptove?!
Rama: Ka mundësi nëse ke ndonjë problem konkret për të folur, se po mban fjalim, ke ndonjë gjë konkrete?
Zonja: Po konkrete i kam të gjitha. Po filloj konkretisht, që tek fëmijët. Jam një nënë 56 vjeçe e papunë, bëj pjesë tek ajo turma e madhe e të papunëve. Kam kontribuar për PS.
Rama: Nuk jemi në mbledhje partie.
Zonja: Dakord, e dija që do thoje kështu.Por jam duke u prezantuar.Është e drejta ime me u prezantu.
Rama: Nuk jemi në mbledhje partie.
Zonja: Nuk jam prej atyre që ndahem unë në socialista e demokratë.Nuk jam prej atyre.
Rama: Më thuaj ke ndonjë problem?
Zonja: Po. Kam shumë problem konkrete.
Rama: Më thuaj një se ka edhe të tjerë që kanë shumë.
Zonja: Po e mbylli gojën, besoj se ju sqaron ndonjë tjetër.
