19-vjeçari italian që u përplas me Jet Ski mesditën e ditës së sotme në plazhin e Velipojës, ka ndërruar jetë në spital.
Lajmin e ka bërë të ditur policia, e cila njofton se Nicolo Lorio ishte dërguar në spitalin rajonal të Shkodrës, por s’ka mundur të mbijetojë.
Kujtojmë se ngjarja e rëndë ndodhi rreth 1 milje jashtë perimetrit te sigurisë, ku 19-vjeçari u përplas me një tjetër Jet Ski, që drejtohej gjithashtu nga një shtetas italian.
Njoftimi i policisë:
Velipojë/Informacion shtesë
Në lidhje me informacionin e dhënë më parë, për një përplasje mes dy mjeteve lundruese Jet Ski, në thellësi të plazhit të Velipojës, rreth një milje larg nga perimetri i sigurisë, ju bëjmë me dije se shtetasi italian N. L., 19 vjeç, ka humbur jetën në Spitalin Rajonal të Shkodrës.
Grupi hetimor në drejtimin e Prokurorisë së Shkodrës, po vijon punën për zbardhjen dhe dokumentimin e rrethanave të këtij rast.
