Një 26 vjeçar shqiptar është vënë në pranga nga Policia italiane, pasi ishte në gjendje të dehur dhe nuk iu bind urdhërit të karabinierëve për të ndaluar. Shqiptari u ndalua pas një ndjekje të gjatë e cila përfundoi me makinën e cila mori flakë. Fillimisht atij i ishte hequr patenta për shkelje rrugore, por kjo nuk e kishte penguar të dilte sërish në rrugë. Media italiane e përshkruan ndjekjen e tij si nëpër filmat aksion.
Në fillim postoblloku i policisë, më pas ndjekja dhe më në fund makina në flakë, testi i alkoolit dhe prangat për shqiptarin rezident në Bergamo, i cili ka përfunduar në qeli për plagosje, dëme dhe guidë të makinës në efektin e alkoolit.Karabinierët e Treviglios e kanë pikasur ndërmjet natës së 5 dhe 6 janarit në Zingonia. Përpara postobllokut të policisë, shqiptari ka shkelur freksionin dhe u ka ikur policëve.
Në çmendurinë e shpejtësisë, ka kërkuar të parakalojë makinat e karabinierëve në Verdello, Pognano, Lurano dhe Brignano për tu kthyer më pas në Ciserano, ku ka përplasur patrullën. I është dashur të dorëzohet kur makina e tij është përfshirë nga flakët. Nga ky aksident dy karabinierë janë dërguar në urgjencë. Ndërkohë që 26 vjeçarit iu gjet sasi alkooli në gjak, tre herë më të lartë se normat e lejuara nga ligji. Ndërkohë që patenta i ishte hequr për guidë të makinës në gjendje po të dehur.
