Arrestohet 32-vjecari, shoferi i automjetit që goditi për vdekje D.K, 46-vjeç i cili po lëvizte me biçikletë.
Sipas informacioneve zyrtare të policisë drejtuesi i automjetit me inicialet K.C., është përfshirë në një aksident rrugor të ndodhur mbrëmjen e djeshme, në afërsi të urës së Orikumit.
Si pasojë personi që po lëvizte me biçikletë ka humbur jetën.
“Në vijim të informacionit të dhënë për aksidentin rrugor të ndodhur mbrëmjen e djeshme, në afërsi të urës së Orikumit, ku si pasojë humbi jetën shtetasi D.K., 46 vjeç, i cili lëvizte me biçikletë, informojmë se Sektori i Policisë Rrugore arrestoi drejtuesin e automjetit që e aksidentoi 46-vjeçarin, shtetasin K.C., 32 vjeç”,-njofton policia.
