Policia ka arritur të zbardhë aksidentin rrugor, me pasojë vdekjen, të ndodhur më datë 22 Dhjetor.
Në një njoftim zyrtar uniformat blu bëjnë me dije se është bërë identifikimi dhe ndalimi i drejtuestit të automjetit shtetasit me inicialet N.K., 33-vjeç.
“Si rezultat, nga shërbimet e Policisë u bë identifikimi, lokalizimi dhe ndalimi i drejtuesit të automjetit, shtetasit N. K., 33 vjeç, banues në Papër, Elbasan, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”-njofton policia.
Nga veprimet hetimore, policia thotë se rezultoi se 33-vjeçari, më 22 Dhjetor në aksin rrugor Elbasan-Peqin, në fshatin Papër, duke drejtuar automjetin tip “BMË X3”, ka aksidentuar me pasojë vdekjen, shtetasin D. Xh., 53 vjeç, banues në fshatin Vidhas, Elbasan, i cili ka qenë duke lëvizur me këmbë.
Automjeti tip “BMW X3” u sekuestrua në cilësinë e provës material.
