Policia ka vënë në pranga shoferin e kamionit pas aksidentit të ndodhur pasditen e djeshme në aksin rrugor “Qafë Thanë-Prrenjas”, ku humbi jetën një turiste gjermane.
Uniformat blu kanë arrestuar shtetasin serb S. M, pasi kamioni që drejtonte u përplas me mjetin që drejtohej nga 56-vjeçarja gjermane.
Si pasojë e aksidentit, ka humbur jetën 56-vjeçarja dhe është dëmtuar shtetasi P. K., bashkëshorti i shtetases gjermane i cili ndodhet në spital nën kujdesin mjekësor.
“Specialistët e qarkullimit rrugor Elbasan arrestuan në flagrancë shtetasin serb S. M., 50 vjeç, pasi trajleri që drejtohej nga 50-vjeçari, është përplasur me automjetin që drejtohej nga shtetasja gjermane U. S., 56 vjeçe.
Si pasojë e këtij aksidenti, ka humbur jetën 56-vjeçarja dhe është dëmtuar shtetasi P. K., pasagjer në automjetin që drejtohej nga kjo shtetase”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./Opinion.al
