Policia ka arrestuar mbrëmjen e sotme një 38-vjeçar, i cili përplasi me makinën e tij tip Benz, një 18-vjeçare duke u larguar më pas nga vendi i ngjarjes.
I arrestuari raportohet se është I. Dh., banues në Korçë, ndërsa 18-vjeçarja pas mjekimit në Spital u largua në banesë.
“Në vijim të informacionit paraprak datë 29.10.2021, i cili bën fjalë për një aksident rrugor, informojmë se në vijim të veprimeve të kryera, specialistët e Sektorit për Policinë Rrugore në DVP Korçë, bënë arrestimin në flagrancë për veprat penale “Shkelja e rregullave të qarkullimit rrugor” dhe “Largimi nga vendi i aksidentit”, të shtetasit I. Dh., 38 vjeç, banues në Korçë”, bëri me dije policia./Opinion.al
