Një aksident me vdekje është regjistruar në vendin tonë këtë të premtë. Sipas policisë, një betoniere në Durrës ka përplasur për vdekje një person që po ecte me biçikletë.
Aksidenti ka ndodhur afër spitalit të Durrësit, në lagjen numër 18 rreth orës 12:15. Drejtuesi i betonieres është shoqëruar në komisariat.
Grupi hetimor dhe policia ndodhen në vendin e ngjarjes për të përcaktuar shkakun e ngjarjes.
“Rreth orës 12:15, në lagjen nr. 18, Durrës, një automjet (betionere) me drejtues shtetasin P. P., 58 vjeç, ka përplasur një shtetas ende të paidentifikuar që lëvizte me biçikletë, i cili si pasojë e përplasjes, ka humbur jetën. Shtetasi P. P. është shoqëruar në Komisariat, për kryerjen e veprimeve të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të këtij aksidenti”, tha policia në një njoftim paraprak për ngjarjen.
