Një qytetar ka humbur jetën sot në afërsi të fshatit Drenovë pasi është përfshirë në një aksident.
Aksidenti ka ndodhur në aksin Korçë – Drenovë ku 59-vjeçari Valter Kamenica ka qenë duke lëvizur me biçikletë dhe ka goditur pjesën e prapme të një kamioni i cili ka frenuar në mënyrë të papritur përpara tij.
Për pasojë drejtuesi i biçikletës ka marrë dëmtime të rënda dhe u dërgua për ndihmë mjekësore në Spitalin e Korçës, ku ndërroi jetë, thuhet në njoftimin e policisë.
Grupi hetimor po punon për të zbardhur rrethanat e ngjarjes dhe përcaktuar shkaqet e aksidentit. /Opinion.al
