Më shumë se 20 njerëz humbën jetën nga përplasja e një autobusi pasagjerësh në një rrugë malore në Pakistanin veriperëndimor. Aksidenti ndodhi në zonën Babusar Top, në kufi me provincën Khyber Pakhtunkhwa me Gilgit-Baltistan.
Mediat lokale citojnë, zëdhënës të qeverisë, të cilët thonë se në mesin e 26 të vdekurve ishin anëtarë të ushtrisë së Pakistanit. Ai shtoi se dhjetra njerëz u plagosën dhe u transferuan në një spital lokal në një helikopter.
Zyrtari i administratës lokale Aurangzeb Haider tha për AFP se gjashtë fëmijë ishin mes të vdekurve, ndërsa zyrtari i lartë i policisë Zaibullah Khan tha se gjashtë nga të plagosurit ishin në një gjendje kritike.
Një oficer policie vendas, tha që autobusi po udhëtonte nga qyteti Skardu, i cili është në një lartësi prej afro 2.500 metra mbi nivelin e detit, në Rawalpindi.
Gilgit-Baltistan është një rajon malor ku ndodhen disa prej majave më të larta në botë.
Muajin e kaluar, një autobus i shpejtë ra nga një rrugë malore në një lumë në veriperëndim të Pakistanit, duke vrarë 24 pasagjerë. /Opinion.al
