Një autobus që transportonte dhjetëra emigrantë kryesisht venezuelianë u përplas në jug të Meksikës, duke shkaktuar vdekjen e 17 pasagjerëve dhe duke lënë 15 të tjerë të plagosur, thanë autoritetet shtetërore.
Mësohet se autobusi ishte në autostradë në shtetin jugor të Oaxaca në momentin kur ndodhi aksidenti.
Fotografitë nga agjencia treguan se autobusi u përmbys përgjatë një kthese të ngushtë në rrugë.
Ministria e Brendshme e shtetit fqinj Puebla tha se 15 personat e plagosur ishin dërguar në spitalet e saj, pasi aksidenti ndodhi pranë linjave shtetërore.
Aksidenti ka ndodhur në mes të fluksit të lartë të emigrantëve që mbërrijnë në kufirin SHBA-Meksikë.
Emigrantët përpiqen të kalojnë Meksikën me autobus, kamionë ose trena mallrash, megjithatë, udhëtimi është shpesh i rrezikshëm./Opinion.al
