Një aksident është regjistruar rreth orës 10:00 në rrugën “Lin Deliaj” në Shkodër.
Dy automjete janë përplasur me njëra tjetrën, ku për pasojë është lënduar një 7-vjeçar. I mituri është dërguar me urgjencë në spital, ndërsa mësohet se është jashtë rrezikut për jetën.
“Rreth orës 10:00, në rrugën “Lin Delija”, automjeti me drejtues shtetasin P. Gj. është përplasur me automjetin me drejtuese shtetasen M. C. Si pasojë është dëmtuar një 7-vjeçar, pasagjer në automjetin e shtetases M. C., i cili është dërguar për mjekim në spital dhe është jashtë rrezikut për jetën. Grupi hetimor po punon për sqarimin e rrethanave të aksidentit”, njoftoi policia.
