Shtatë persona janë plagosur, mes tyre 3 fëmijë, si pasojë e një aksidenti rrugor të ndodhur në aksin nacional Kakavijë-Gjirokastër, në afërsi të Dervicianit.
Sipas policisë lokale gjashtë persona nga e njëjta familje kanë mbetur të plagosur, prej të cilëve një fëmijë 3 vjeç ndodhet në gjendje të rëndë.
Uniformat blu bëjnë me dije se pranë fshatit Dervician janë përplasur dy automjete tip “Benz”, me drejtues 55-vjeçarin Kristaq Kola, banues në fshatin Goranxi, Dropull dhe mjeti tjetër me drejtues 44-vjeçarin Renato Turkaj.
Dyshohet se shkak për aksidentin të jetë bërë një parakalim i gabuar dhe automjetet janë përplasur “kokë më kokë”.
Të plagosur kanë mbetur: Romina Turkaj, Renato Turkaj, Vjollca Pitja, Agron Pitja, Klaus Turkaj, Ana Turkaj dhe Kristaq Kola./ Opinion.al
