Një aksident me pasojë vdekjen ka ndodhur në autostradën Vorë-Tiranë. Sipas policisë dy mjete janë përplasur me njëri-tjetrin dhe për pasojë ka ndërruar jetë pasagjeri e njërës prej makinave.
Personi që ka humbur jetën bëhet e ditur se është një 19-vjeçar me iniciale K.H. Drejtuesi e njërit prej mjeteve me iniciale D.R dhe pasagjeri F.Xh janë dërguar në spital për të marrë ndihmë mjekësore. Sipas hetimeve paraprake mësohet të ketë qenë lagështia në rrugë shkaku i aksidentit.
Njoftimi i policisë
Në autostradën Vorë- Tiranë si pasojë e lagështirës janë përplasur 2 automjete, për pasojë ka ndërruar jetë pasagjeri i njërit prej automjeteve shtetasi K. H.,19 vjeç, ndërsa drejtuesi i njërit nga automjetet shtetasi D. R dhe pasagjeri F. Xh u dërguan në spital për ndihmë mjeksore.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të aksidentit./Opinion.al
