Një aksident i rëndë ka ndodhur pasditen e kësaj të enjteje në aksin rrugor Lezhë-Shkodër, në afërsi të kryqëzimit të Dajçit.
Mësohet se dy automjete janë përplasur me njëra-tjetrën dhe për pasojë ka mbetur i plagosur rëndë një person.
Burime paraprake për Klan News, bëjnë me dije se personi i plagosur është dërguar me urgjencë për ndihmë mjekësore në spitalin e Lezhës.
Policia dhe autoambulanca ndodhen ne vendin e ngjarjes ku po hetojnë shkaqet dhe rrethanat sesi ka ndodhur aksidenti. Ky është aksidenti i dytë në të njëjtin vend gjatë ditës se sotme, me një bilanc prej tre personash të plagosur.
