Një aksident është regjistruar mëngjesin e sotëm në aksin rrugor Fier-Vlorë.
Uniformat blu bëjnë të ditur se një automjet tip “Fiat” me drejtues shtetasin K.H., 66 vjeç, është përplasur me një mjet tip “Toyota” me drejtuese shtetasen B. L., 34 vjeçe.
Si pasojë e aksidentit ka mbetur e lënduar 34-vjeçarja, e cila ndodhet jashtë rrezikut për jetën.
“Sot, rreth orës 07:00, në aksin rrugor Fier-Vlorë, në Panaja, një automjet tip “Fiat” me drejtues shtetasin K. H., 66 vjeç, është përplasur me një mjet tip “Toyota” me drejtuese shtetasen B. L., 34 vjeçe, e cila si pasojë e përplasjes është dëmtuar lehtë dhe ndodhet jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”,-njofton policia./Opinion.al
