Dy helikopterë të Ushtrisë së Shteteve të Bashkuara të Amerikës u përplasën gjatë një misioni stërvitor mbi Kentaki të mërkurën mbrëma.
Guvernatori i Kentakit tha se pritet të ketë fatalitete dhe kërkoi nga publiku të luten për të gjithë të prekurit.
“I kemi marrë disa lajme të këqija nga Fort Campbell, pas raportimeve të hershme për një përplasje helikopterësh dhe priten fatalitete”, tha ai në një postim në Twitter.
Raportet lokale të lajmeve thonë se incidenti ka ndodhur rreth orës 21:35 me orën lokale (01:35 GMT), dhe deri në nëntë persona mund të jenë vrarë.
Ushtria lokale konfirmoi se helikopterët e tyre ishin përfshirë në përplasje.
Në një deklaratë për BBC, një zëdhënës i bazës ushtarake Fort Campbell tha se dy helikopterë HH60 Blackhawk ishin rrëzuar gjatë “një misioni rutinë stërvitor”.
“Statusi i anëtarëve të ekuipazhit nuk dihet për momentin,” thanë ata. Komanda aktualisht është e fokusuar në kujdesin për pjesëtarët e shërbimit dhe familjet e tyre. Ata shtuan se ngjarja ishte nën hetim dhe më shumë informacion do të jepet kur të bëhet i disponueshëm.
Baza ushtarake Fort Campbell ndodhet në një distancë të shkurtër nga Trigg County. Helikopterët e përfshirë janë nga Divizioni 101 Ajror, i cili është i vetmi divizion i sulmeve ajrore në ushtrinë amerikane dhe është dërguar në zonat e konfliktit ndërkombëtarisht./Opinion.al
