Nuk ka mjaftuar përplasja mes ish kryetares së FRESH, Elisa Spiropali me nënkryetarin e LRI-së, Klevi Pojana pak ditë më parë.
Pasi një tjetër përplasje është shënuar mes të rinjve të FRESSH-it dhe LRI-së për datat e kampingut në Jalë.
Protagoniste e kësaj ngatërrese është përsëri Spiropali, e cila edhe pse nuk është më pjesë e FRESSH-it, ajo ka organizuar kampingun për të rinjtë socialist në datat e paravendosura nga aktivistët e LRI-së.
Mësohet, se LRI-ja i ka shpalluar që prej 2 muajsh data 21 me 27 gusht si periudhën kur do të mbledhë 1700 të rinj nga e gjithë Shqipëria.
Ditën e sotme, Spiropali ka vendosur që FRESSH-i të jetë në kampingun e Jalës në datën 25 gusht.
