“Në komunikimin e sotëm ne përdorim radiovalët. Ideja ime është të shqyrtojmë mundësinë e komunikimit nëpërmjet spektrit të dritës së dukshme”, kështu u shpreh shkencëtarja Xia Zhou, e cila ka nisur studimin e një ideje të re revolucionare sa i takon komunikimit.
Në këtë nismë, shkencëtarja mbështetet nga Fondacioni Kombëtar amerikan i Shkencës dhe një ekip i Kolegjit “Dartmouth”, të cilët po zhvillojnë teknologjinë e quajtur “Li-Fi” për të transmetuar të dhënat duke përdorur pajisjet e ndriçimit në shtëpitë tona.
Falë kësaj teknologjie, mjafton të montohet një modul i vogël dhe çdo llambë LED mund të kthehet në pajisje komunikimi në distancë. Por, teknologjia “Li-Fi” kufizohet nga pamundësia për të përçuar muret, që do të thotë se çdo llambë duhet të jetë e lidhur individualisht me internetin, e kjo do të rriste shumë koston e përdorimit.
Megjithatë shpresat janë, që në të ardhmen llamba të lidhura me internetin të vendosen në çdo ndërtesë./Opinion.al
