Mijëra qytetarë të Kosovës mesa duket kanë zgjedhur që këtë vit festën e Kurban Bajramit ta kalojnë në bregdetin shqiptar, pasi një ditë përpara kësaj feste ka një dyndje jo të zakonshme në pikën e kalimit kufitar në Morinë.
Që në orët e para të mëngjesit të së shtunës fluksi ka qenë i madh. Bëhet e ditur se nga ora 5 e mëngjesit kanë hyrë 2463 automjete me 12486 shtetas.
Policia kufitare e Morinës për të lehtësuar dyndjen e automjeteve, ka ngritur traun e doganës duke operuar me procedurë të përshpejtuar. Ndërkohë fluks të lartë pati edhe në hyrje për në Kosovë. /Opinion.al
