Një 47-vjeçar në Pukë është arrestuar nga policia pasi përndiqte një vajze 17-vjeçare.
Kjo e fundit kishte ngritur një kallëzim në prokurori pasi 47-vjeçari me inciale Z.P. e përndiqte në rrugë prej 1 muaji, si dhe në rrjete sociale.
Nga hetimet rezultoi se 47-vjeçari ishte shtetas me precedent për të njëjtin krim.
”Menjëherë pasi një shtetase 17 vjeçe ka kallëzuar në Prokurorinë e Shkodrës, se përndiqej nga 1 shtetas, prej rreth 1 muaji, në rrugë dhe në rrjete sociale, shërbimet e Komisariatit të Policisë Pukë kanë organizuar punën për lokalizimin dhe arrestimin e autorit.
Si rezultat, për këtë rast u vu në pranga shtetasi Z. P., 47 vjeç, banues në Pukë, për të cilin Gjykata e Shkodrës ka caktuar masën e sigurisë “Arrest në burg”, për veprën penale “Përndjekja”. Nga verifikimet e mëtejshme ka rezultuar se 47-vjeçari ishte shtetas me precedent për të njëjtin krim”, njofton policia.
Materialet procedurale i kaluan Prokurorisë, për veprime të mëtejshme./Opinion.al
