Një 24-vjeçar ka rënë në prangat e Policisë ditën e sotme në Përmet, pasi akuzohet për përndjekje.
Sipas Policisë, i riu me inicialet A.Z., banues në Përmet, është arrestuar pasi dyshohet se në mënyrë të përsëritur ka përndjekur një 14-vjeçare.
Ai akuzohet tani për ‘Përndjekje’ dhe do të hetohet nga Prokuroria e Përmetit.
Njoftimi i policisë
Specialistët e Seksionit për Hetimin e Krimeve në Komisariatin e Policisë Përmet bënë ndalimin e shtetasit A. Z., 24, banues në Përmet, për veprën penale “Përndjekja”, pasi dyshohet se në mënyrë të përsëritur ka përndjekur një shtetase 14 vjeçe.
Materialet në ngarkim të shtetasit A. Z. i kaluan Prokurorisë pranë Gjykatës së Shkallës së Parë Përmet, për veprime të mëtejshme./Opinion.al
