Një i ri 22-vjeçar, është arrestuar ditën e sotme nga blutë e Kukësit pasi ishte denoncuar ne faqen zyrtare të policisë Kukës për përndjekjen e një të miture.
Lajmi i cili konfirmohet nga policia, bën me dije se është arrestuar në flagrancë 22-vjeçari i identifikuar me iniciale A. K., i cili akuzohet për veprën penale “Përndjekje”
Nga njoftimi theksohet se 22-vjeçari e përndiqte 16-vjeçaren në rrugë teksa e shantazhonte gjithashtu edhe në rrjetet sociale.
“U denoncua në faqen zyrtare të DVP Kukës, për përndjekje, Policia pas hetimeve të kryera vuri në pranga 22-vjeçarin.
Specialistët për Hetimin e Krimit në Komisariatin e Policisë Kukës, pas njoftimit të marrë në faqen e Drejtorisë Vendore të Policisë Kukës, nga një shtetase e mitur që denonconte një 22-vjeçar për përndjekje, vlerësuan informacionin dhe filluan menjëherë hetimet.
Si rezultat i hetimeve të kryera u arrestua në flagrancë shtetasi A. K, 22 vjeç, banues në Kukës, për veprën penale “Përndjekja”, pasi në mënyrë të vazhdueshme ka përndjekur një 16-vjeçare, duke e ofenduar dhe shantazuar në rrugë dhe në rrjetet sociale. Materialet i kaluan Prokurorisë së Rrethit Gjyqësor Kukës, për veprime të mëtejshme.”, njofton policia./Opinion.al
