Është përmirësuar gjendja e nxënësve të helmuar një ditë më parë në shkollën e Shupenzës në Bulqizë.
Nga 60 nxënës të paraqitur me probleme në spitalin e Peshkopisë, sot aty ndodhen të shtruar vetëm 8 prej tyre.
Mjekët thonë se 5 pacientë do të dalin gjatë së shtunës ndërsa për 3 të tjerë do të shihet gjendja në vijim.
Pritet të lënë spitalin e QSUT-së edhe një mësuese dhe një nxënës që u sollën me helikopter një ditë më parë në Tiranë.
Shkak për helimin u bë rrjedhja e gazrave nga kaldaja, e cila u vu në punë pa u testuar më parë nga specialistët.
Ministria e Arsimit ka pezulluar mesimin në këtë shkollë, deri në sqarimin e plotë të ngjarjes.
Tv Klan
