Pas ditësh të tëra shtrimi dhe spital, ku ishte shumë pranë vdekjes, Demi Lovato më në fund është stabilizuar dhe sipas mjekëve nuk është më në rrezik për jetën. Por problemi i saj nuk mbaron këtu. Demi u shtrua në spital si pasojë e një mbidoze, që konsiderohet me fat që është ende gjallë. Varësia e saj nga lëndët narkotike, për të cilën ajo e mbylli gojën dhe nuk u prononcua, duhet të marrë fund menjëherë, përndryshe e ardhmja e saj do të ndryshojë.
Ekipi menaxhues i Demit po planifikon ta dërgojë atë në qendër rehabilitimi, por nëse këngëtarja nuk pranon, ata dhe shumë miq do ta braktisin.
“Nuk do të merremi më me Demin nëse ajo nuk është në gjendje të kontrollojë veten. Demi mund të vdesë dhe nuk duam që kjo përgjegjësi të na mbetet neve,” thanë burimet pranë këngëtares./Opinion.al
