Shqiponja e cila u kryqëzua e gjallë në fshatin Bual në Përmet me qëllim për t’u balsamosur, nuk u ka mbijetuar dot plagëve dhe ka ngordhur ditën e sotme.
Lajmi u konfirmua për Report Tv nga veterineri Ariel Vasili i cili së bashku me Specialistët e Agjencisë së Zonave të Mbrojtura i shkuan në ndihmë shpendit të plagosur, por pa mundur t’i shpëtojnë jetën.
Ngjarja u regjistrua një ditë më parë në fshatin Bual në Përmet.
Shqiponja e llojit ‘Huta’ ishte varur në një gardh në fshat dhe sipas konstatimeve nga veterinerët kishte 3 thyerje në krahun e djathtë dhe thyerje të këmbës së djathtë.
Ndërkohë kujtojmë që autorët e këtij akti makabër nuk janë arrestuar ende, por policia njoftoi ditën e djeshme se ka nisur hetimet.
