Një fëmijë i mitur, duke luajtur në oborrin e banesës ka qëlluar aksidentalisht me armë sportive dajën e tij. Ngjarja ka ndodhur të martën rreth orës 14:30, në Përmet.
I plagosuri, Nj. L., 28 vjeç, është transportuar në Spitalin e Gjirokastrës, ku jashtë rrezikut për jetën.
Ndërkohë grupi hetimor sekuestroi në cilësinë e provës materiale armën sportive.
“Rreth orës 14:30, datë 31.08.2021, në Përmet, shtetasi i mitur R. U., duke luajtur në oborrin e banesës, dyshohet se aksidentalisht ka goditur në shpatull me armë sportive (dajën e tij) shtetasin Nj. L., 28 vjeç, banues në Përmet, i cili ndodhet në Spitalin Gjirokastër, jashtë rrezikut për jetën.
Grupi hetimor sekuestroi në cilësinë e provës materiale armën sportive.
Gjithashtu specialistët e Seksionit të Hetimit të Krimeve në Komisariatin e Policisë Përmet referuan materialet në Prokurorinë pranë Gjykatës së Shkallës së Parë Përmet dhe për shtetasin B. A., 38 vjeç, banues në Përmet, i cili dispononte armën sportive pa lejen përkatëse”, njofton policia./Opinion.al
