Një burrë u gjet i pajetë mëngjesin e sotëm në Këlcyrë të Përmetit dhe paraprakisht dyshohet për vetëvrasje. Moisi Karaj 55 vjecc është viktima, nga fshati Grabovë. Kanë qenë familjarët ata që kanë lajmëruar policinë, pasi kanë gjetur trupin e pajetë në banesë.
Paraprakisht bëhet e ditur se në trupin e viktimës ka dëmtime me armë zjarri, duke bërë që policia të thellohet në hetime për të zbardhur shkaqet e vdekjes.
Duke dhënë informacion mbi ngjarjen policia thotë se në afërsi të fshatit Grabovë, bashkia Këlcyrë, në banesën e tij është gjetur i pajetë nga familjarët e tij M.K., rreth 55 vjeç.
“Ky shtetas dyshohet të jetë vetëvrarë. Në vendngjarje u gjet dhe arma e zjarrit tip kallashnikov. Efektivët e policisë ndodhen në vendin e ngjarjes dhe po hetojnë për të zbardhur më shumë detaje rreth saj”, bën të ditur policia.
