Policia e Përmetit ka arrestuar një 47-vjeçar, pasi ka ngacmuar një shtetase me aftësi të kufizuara.
Mësohet se shtetasi E.R. në gjendje të dehur ka hyrë me dhunë në banesën e 42-vjeçares me aftësi të kufizuara.
Sipas uniformave blu bëhet me dije se ai e ka ngacmuar atë seskualisht.
“Specialistët për Hetimin e Krimeve të Komisariatit të Policisë Përmet arrestuan në flagrancë shtetasin E. R., 47 vjeç, banues në Përmet, pasi dyshohet se në gjendje të dehur, ka hyrë me dhunë në banesën e një 42-vjeçareje me aftësi të kufizuara.
Gjithashtu, dyshohet se e ka ngacmuar sekualisht atë”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./Opinion.al
