Kaos nga përmbytjet në Maqedoni. Ministria e Punëve të Brendshme ka konfirmuar se si pasojë e motit të keq, kanë humbur jetën 20 persona, transmeton Telegrafi Maqedoni. Ndërkohë, AlsatM raporton se viktimat janë nga Haraçina, Singeliqi dhe Stajkovci, që janë vendet më të goditura nga reshjet e dendura të mbrëmshme. Një nga lagjet më të goditura nga përmbytjet është edhe lagjja Hasanbegut, e banuar me shumicë shqiptare. Banorët e kësaj lagjeje kanë treguar se uji iu ka shkuar në banesa si cunam.
Jo zyrtarisht flitet se 10 nga viktimat e deritanishme mund të jenë shqiptarë. Nga reshjet, janë shkaktuar edhe dëme të mëdha materiale, ndërsa shumë banorë kanë mbetur të bllokuar nëpër fshat
Në disa zona periferike të Shkupit si Hasanbeg, Stajkovc dhe zona tjera shqiptarët janë duke u evakuuar për shkak të pamundësisë për të qëndruar në shtëpitë pasi iu janë përmbytur.
Probleme për shkak të reshjeve ka pasur edhe në Komunën e Çairit, komunë në të cilën jetojnë edhe disa shqiptarë. Drejtoria për punë Hidrometeorologjike ka njoftuar se Maqedonia edhe sonte do të jetë me shi dhe me të rreshura që mund të shkaktojnë përmbytje, transmeton Telegrafi Maqedoni. Në Maqedoninë perendimore do të mbizotëroje mot që do të karakterizohet me rreshje të rrezikshme që mund të shkaktojnë përmbytje në vende malore. Nga Drejtoria për punë Hidrometeorologjike apelojnë për kujdes dhe të mos dilet nga shtëpia dhe në rast vërshimesh të evakuohet vendi dhe shtëpitë e rrezikuara.
Banorët e lagjeve të kësaj komune po “luftojnë” me ujin i cili ka hyrë nëpër bodrumet e shtëpive të tyre. Kjo nuk është hera e parë e as e fundit. Pas çdo shiu të rrëmbyeshëm, për shkak të rrjetit të dobët të kanalizimit, shtëpitë e qytetarëve të Çairit mbushen me ujë, gjë që u shkakton probleme dhe vështirësi të mëdha. Gjithashtu në Çarshinë e Shkupit, për shkak të shiut të rrëmbyeshëm uji shkon rrëke në rrugë, madje të bën të mendosh se Çarshia është bërë me lum. Në videon më poshtë mund të shihni gjendjen e Çarshisë. Për shkak të situatës presidenti i Maqedonisë, presidenti George Ivanov ka dhënë urdhër për aktivizimin e ushtrisë për të dhënë ndihmën e parë në zonat që kanë dëmet më të mëdha nga reshjet.
