Ditën e sotme kryeministri Edi Rama ka shikuar nga afër pasojat e shkaktuara nga përmbytjet në Lezhë.
I shoqëruar nga kryebashkiaku i Lezhës, Pjerin Ndreu, i cili tha se pavarësisht reshjeve të dendura të shiut, situata ndryshe nga vitet e tjera është më e qetë, pasi të gjitha strukturat kishin marr masat.
Nga ana tjetër kryeministri Edi Rama theksoi se është e pamundur për t’i bërë ballë natyrës, megjithatë investimet në kanalet kulluese bënë që përmbytjet këtë herë të mos ishin fatale, ndryshe nga vitet e shkuara kur gjithçka përfundonte nën ujë.
Kreu i qeverisë theksoi gjithashtu se propaganda po e dëmtojnë më shumë se shiu Shqipërinë.
