Të paktën 13 persona kanë humbur jetën nga përmbytjet në rajonin Aude (OD) në jug perëndim të Francës.
Autoritetet lokale njoftuan se sasia e madhe e shiut që mund të kishte rënë brenda disa muajsh, u shkarkua brenda katër orësh duke bllokuar të gjitha rrugët.
Mes viktimave ishte edhe një murgeshe, e cila u rrëmbye nga lumi i qytetit. Ndërkohë një police e cila po ndihmonte në lehtësimin e trafikut u përplas për vdekje nga një motor njoftuan mediat vendase.
Alain Thirion, prefekti i Aude deklaroi se njerëzit ishin bllokuar mbi çatitë e shtëpive dhe nevojitej që të evakuoheshin nga ajri sepse përmes varkave ishte shume e rrezikshme.
Përmbytjet e kësaj të hëne janeë me të rëndat që godasin qytetin e Aude (OD) në 100 vitet e fundit.
Shtatë helikopterë dhe 700 forca të shërbimit të emergjencës janë dislokuar në këtë zonë njoftoi kryeministri francez Édouard Philippe i cili bëri gjithashtu të ditur se do të vizitojë qytetin nëse e lejojnë kushtet atmosferike.
Banorët e zonave më të goditura janë nxitur të qëndrojnë brenda shtëpive të sepse të gjitha rrugët janë të pakalueshme.
