Në qarkun Banaskantha të Indisë, ka pasur evakuime masive të rreth 11,000 personave, për shkak të reshjeve që kanë sjellë përmbytje duke i marrë jetën edhe 16 individëve të tjerë.
Ushtria, forcat ajrore dhe ekipet e shpëtimit i erdhën në ndihmë njerëzve, duke kërkuar në çdo fshat që ndodhej në zonën perëndimore të Guajar-it, qytet i Indisë. Përgjatë kërkimeve rreth 6 gjashtë trupa të vdekur u gjetën vetëm në fillim të rrugëtimit për evakuimin e qytetarëve.
Qindra shpëtimtarë që përdornin skafe kanë shpëtuar rreth 789 njerëz që pothuajse po zhdukeshin nga sipërfaqja, në gjashtë rrethe të shtetit pas tri ditëve të reshjeve.
Është raportuar se 20 autostrada shtetërore të Gujar-it janë të zhytur, ndërsa shërbimet e trenave në mes të kryeqytetit Ahmedabad dhe Nju Delhi janë pezulluar.
Kjo zonë e Indisë ka qenë problematike gjithnjë, pasi vetëm gjatë sezonit shtator- qershor ka pasur 70 të vdekur nga përmbytjet e reshjeve.
Por përmbytje ka pasur edhe në pjesë të tjera të Indisë. Në Gujaratin e veriut, shirat e dendur nxorën nga gjiri lumin Sabarmati, ndërsa disa diga, në Rajasthan, janë shkatërruar. Të paktën 10 vetë kanë vdekur gjatë dy ditëve të fundit për shkak të mbytjes ose shembjes së shtëpive.
Forcat Ajrore kanë larguar 450 persona nga zonat e përmbytura në Rajasthan.
Së paku 60 njerëz kanë vdekur në shtetin verilindor të Asamit për shkak të përmbytjeve që nga fillimi i sezonit të monsonit dhe 14 vetë të tjerë vdiqën, në shtetin e afërt të Arunachal Pradesh muajin e kaluar pasi një rrëshqitës përfshiu një fshat./opinion.al
