Më shumë se një javë pas përmbytjeve shkatërruese që goditën Dernën, një qytet me 100,000 banorë në Libinë lindore, për shkak të stuhisë Daniel, Kombet e Bashkuara njoftuan se numri i të vdekurve arriti në 11,300.
Rreth 10,100 persona të tjerë mbeten të zhdukur në Derna, sipas Zyrës së Kombeve të Bashkuara për Koordinimin e Çështjeve Humanitare (OCHA).
Përmbytjet gjithashtu vranë të paktën 170 njerëz në vende të tjera në Libinë lindore, sipas shifrave të OCHA.
Malta të mërkurën vendosi një ekip prej 72 shpëtimtarësh nga ushtria dhe shërbimi i mbrojtjes civile.
Ndërsa kërkimi vazhdoi, anijet libiane mbërritën, duke kërkuar gjithashtu viktima dhe të mbijetuar. Më pas ata erdhën në një gji të vogël që ishte i mbushur me mbeturina dhe qindra kufoma.
Ekipet e tjera libiane dhe të huaja të kërkim-shpëtimit raportojnë çdo ditë se kanë gjetur viktima, por kërkimi pengohet nga tonelatat e baltës dhe mbeturinave që mbuluan një pjesë të qytetit.
Në shumicën e rasteve ekipet janë të detyruara të përdorin lopata për të pastruar zonat ku operojnë, përpara se të kërkojnë viktima në ndërtesat e dëmtuara.
Puna e ekipeve të kërkim-shpëtimit pengohet gjithashtu nga kaosi politik në shtetin e Afrikës së Veriut.
Pas kryengritjes, përmbysjes së regjimit dhe vdekjes së kolonelit Muammar Gaddafi në 2011, në Libi ekzistojnë dy qeveri rivale, njëra në Tripoli (perëndim), e njohur nga OKB dhe e kryesuar nga kryeministri Abdelhamid Dbayba, tjetra në në lindje, i lidhur me Marshallin e fuqishëm Khalifa Haftar.
Autoritetet thonë se kanë filluar procesin e ndërlikuar të identifikimit dhe regjistrimit të viktimave, shumë prej të cilëve u varrosën me nxitim në ditët e para pas katastrofës.
Përveç kësaj, Othman Abdeljalil mohoi informacionin për një evakuim të mundshëm të qytetit, duke thënë se vetëm “zona të caktuara” mund të mbeten “të izoluara”, për të lehtësuar punën e ekipeve të shpëtimit.
Ai shtoi se shërbimet e tij, në koordinim me OBSH-në, do të “intensifikojnë përpjekjet në fushën e ndihmës sociale dhe psikologjike”.
Mostrat e ujit mblidhen dhe analizohen çdo ditë për të shmangur kontaminimin e mundshëm dhe rrezikun e shpërthimeve, shtoi ministri, duke u kërkuar banorëve të mos përdorin ujin nga puset.
Ndërkohë mobilizimi ndërkombëtar vazhdon. Avionët e ndihmës vazhdojnë të ulen në aeroportin Benina në Benina, një qytet i madh në Cyrenaica, ku po mbërrijnë edhe ekipet e kërkimit, shpëtimit dhe ndihmës nga organizata dhe shtete ndërkombëtare./Opinion.al
