Komiteti Ekzekutiv i Federatës Shqiptare të Futbollit ka vendosur ditën e sotme shtyrjen e rifillimit të aktivitetit për Kategorinë e Parë dhe Kategorinë e Dytë.
Shkak për marrjen e këtij vendimi janë kushtet e vështira atmosferike që kanë krijuar problematika të mëdha në infrastrukturën e stadiumeve.
Federata, duke parë këtë gjendje, njofton se është shtyrë me afat të papërcaktuar rinisja e Kategorisë së Parë dhe të Dytë. Klubet do njoftohen në një moment të dytë për rinisjen.
“Vendimi qarkullues i KE-së i është komunikuar Sektorit të Garave në FSHF, që menjëherë ka bërë njoftimin e klubeve të Kategorisë së Parë dhe Kategorisë së Dytë për shtyrjen e javës së ardhshme të aktivitetit. Situata është në monitorim të vazhdueshëm dhe klubet do të njoftohen në një moment të dytë në lidhje me rifillimin e aktivitetit”, njofton FSHF./Opinion.al
