Lideri demokrat Lulzim Basha ka folur për situatën emergjente krijuar në vend nga përmbytjet. Ai paralajmëron se do të hapen portat e HEC-ve, pasi digat janë në pikat kritike. Sipas tij situata mund të përkeqësohet dhe për këtë qytetarët janë të përgatitur. Ai i bëri thirrje Kryeministrit Edi Rama të lërë shfaqjet televizive dhe të dalë në terren bashkë me ministrat e tij. Kujtojmë se aktualisht Rama ka mbledhur shtabin e emergjencave në Kryeministri, takim që po transmetohet ‘live’ në TV.
Pjesë nga fjala e Bashës
Kemi kontaktuar me përfaqësues të PD në rrethe që në mëngjes. Gjendja vazhdon të jetë e rëndë, për fat të keq është shënuar një viktimë.
Rama të lërë shfaqjet dhe të niset në krye të detyrës, atje ku qytetarët përballen me izolimin nga uji.
U bëj thirrje qytetarëve të mbrojnë jetët e tyre dhe të fëmijëve të tyre, pasi të gjitha gjërat e tjera rikuperohen.
Do hapen portat e HEC-ve dhe këtë qeveria nuk e ka lajmëruar, ndaj pritet që të ketë përkeqësim nga përmbytjet.
