Cikloni “Boris” ka goditur rëndë rajonin e Emilia-Romagna në Itali, duke sjellë një valë të motit të keq.
I gjithë rajoni është prekur nga shirat e dendur, përmbytjet dhe nivelet e ujërave tepër të larta në lumenj.
Stuhia Boris ka vrarë të paktën 24 njerëz në Evropën Qendrore dhe Lindore që nga java e kaluar.
Jader Dardi, kryebashkiaku i Modigliana, një qytet në provincën Forlì-Cesena që u godit gjithashtu keq nga përmbytjet shkatërruese rajonale në maj 2023, tha se lumi kishte “shpërthyer”.
“Situata është shumë dramatike. Është më keq se në 2023”, tha ai.
Shkollat do të mbesin të mbyllura në pjesën më të madhe të provincës në veri të Italisë.
Për shkak të rrëshqitjeve të dherave janë bllokuar edhe disa rrugë.
Alarmi është ngritur nga portokalli në të kuq, që përbën nivelin më të lartin të mundshëm. Me mijëra persona janë evakuuar nga banesat e tyre, kryesisht në Ravena dhe Bolonja.
Ekipet e shpëtimit i janë përgjigjur mbi 500 thirrjeve për ndihmë.
Përmbytjet në Emilia-Romagna në maj 2023 morën 17 jetë dhe shkaktuan dëme në vlerë prej 8,5 miliardë eurosh.
Që nga java e kaluar stuhia Boris ka sjellë përmbytje dhe shira të rrëmbyeshëm në Republikën Çeke, Rumani, Poloni dhe Austri. /Opinion.al
