Rusia po përballet me përmbytje për shkak të shirave që kanë përfshirë jugun e vendit. Për shkak të situatës së krijuar, autoritetet janë evakuuar mbi 1500 banorë, banesat e të cilëve janë dëmtuar.
Autoritetet në rajonin Krasnodar thanë se mbi 1.400 shtëpi janë vërshuar pas stuhive dhe shirave të rrëmbyeshëm që goditën rajonin këtë javë. Rreth 108.000 banorë në 11 vendbanime kanë mbetur pa energji elektrike.
Sipas shërbimeve emergjente, në total 1.531 persona janë evakuuar. Qyteti Anapa në Detin e Zi është vendi më i goditur nga vërshimet.
Zyrtarët e emergjencave kanë paralajmëruar se mot me shi do të ketë edhe në dy ditët e ardhshme.
Përgjatë Detit të Zi dhe në jug, në Turqi, ka pasur vërshime. Në Turqi të paktën 44 persona kanë vdekur si pasojë e vërshimeve.
