34 qytetarë kanë humbur jetën nga përmbytjet në qytetin Petropolis. Përmbytjet u shkaktuan në ë rajonin malor të shtetit të Rio de Zhaneiro pas reshjeve të dendura të shiut.
Rrugët e qytetit u përmbytën nga rrebeshet, ndërsa nga rrëshqitjet e dheut situata doli jashtë kontrollit.
“Furtuna zuri në befasi popullsinë vendase, ujërat filluan të vërshojnë dhe të marrin para gjithçka. Situata ishte shumë e vështirë“, tha një tregtar.
Tregtarët pastruan dyqanet e tyre të përmbytura dhe të dëmtuara. Presidenti Jair Bolsonaro, i cili ndodhej në Federatën Ruse në takim me homologun Vladimir Putin u kërkoi ministrave që të ndihmonin qytetin dhe ata që e pësuan nga stuhia.
Që nga muaji Dhjetor, reshjet e dendura të shiut kanë shkaktuar përmbytje dhe rrëshqitje të dheut në verilindje të Brazilit dhe në shtetin e Sao Paulos. Dëmet janë të pallogaritshme edhe në bujqësi si dhe sollën pezullimin e operacioneve minerare në shtetin Minas Gerais.
