Hong Kongu u përmbyt nga reshjet më të mëdha në gati 140 vjet, duke lënë 83 persona të lënduar dhe rrugët e qytetit nën ujë.
Pikërisht përtej kufirit, autoritetet në qytetin Shenzhen të Kinës gjithashtu regjistruan shirat më të dendur që nga fillimi i regjistrimeve në vitin 1952.
Shiu i rrëmbyeshëm u soll nga Haikui, një tajfun që arriti të martën në provincën kineze të Fujian.
Edhe pse u dobësua në një depresion tropikal, retë e saj me lëvizje të ngadalta kanë hedhur vëllime të mëdha reshjesh në zona të caktuara. Reshjet e dendura në Hong Kong filluan të enjten dhe në orën para mesnatës, observatori i motit të qytetit regjistroi reshje për orë prej 158.1 milimetrash, më të lartat që nga fillimi i regjistrimeve në 1884.
Autoritetet e Hong Kongut mbyllën shkollat të premten dhe u thanë punëtorëve të qëndrojnë në shtëpi. Eric Chan, sekretari i administratës, tha se rrjeti i transportit të qytetit ishte “i ndërprerë ” dhe një “situatë në kushte ekstreme” do të zgjatej deri në mesnatën e së premtes.
Zyrtarët qeveritarë thanë se “kushtet ekstreme” do të zgjasin të paktën deri në orën 18:00, ndërsa autoriteti spitalor tha se më shumë se 80 njerëz kishin kërkuar ndihmë në dhomat e urgjencës.
Kina jugore u godit fundjavën e kaluar nga dy tajfunë radhazi Saola dhe Haikui, megjithëse Hong Kongu shmangu një goditje të drejtpërdrejtë./Opinion.al
