Nga përmbytjet e mëdha që kanë përfshirë Turqinë raportojnë se është regjistruar një incident i rëndë.
Mediat turke shkruajnë se në qytezën e Aksaray, një foshnjë vetëm 3-muajshe është marrë nga rryma e ujit, që përfshiu banesën e familjes Balcan, si pasojë e vërshimit të ujërave.
Ekipet e shpëtimit, xhandarmërisë, policisë dhe ndërhyrjes së shpejtë, prej ditës së djeshme po vijojnë me intensitet kërkimet në rajonin ku ndodhi ngjarja.
Qentë e stërvitur të sjellë nga Ankaraja gjithashtu morën pjesë në përpjekjet e kërkim-shpëtimit të foshnjës 3-muajshe Asel Balcan, e cila u zhduk në përmbytjen që ndodhi mbrëmjen e së dielës në Aksaray. Një ekip prej 250 personash është në kërkim të foshnjës Asel në një zonë rreth 15 kilometra, ndërsa kanali i ujit dhe rrethinat e tij u skanuan hap pas hapi paralelisht me rrugën e goditur nga përmbytja.
Ndërkohë që kanali i ujit dhe rrethinat e tij u skanuan hap pas hapi paralelisht me rrugën e goditur nga përmbytja, ende nuk u gjet asnjë gjurmë e foshnjës.
Në përmbytjen e ndodhur mbrëmjen e së dielës, më 3 shtator, në lokalitetin Kireçlik të Aksaray, 1 person humbi jetën, 14 persona u shpëtuan, ndërsa për të zhdukurën 3-muajshe Asel Balcan kanë nisur kërkimet./Opinion.al
