Reshjet e dëndura të rëna gjatë 24 orëve të fundit përmbysin qytetin bregdetar të Durrësit.
Gazetarja Klodiana Hxhiaj raporton se janë përmbytur rrugët nga qendra e qytetit deri në periferi, ku uji shkon nga 20 deri në 40 cm mbi trotuare.
Po sipas saj, e pakalueshme është bërë edhe shëtitorja Taulantia. Përmbytjet kanë sjellë vështirësi për automjetet dhe trafik të rënduar. Shkak për përmbytjet është bërë rrjeti i kanalizimeve, i bllokuar dhe amortizuar.
Sakaq reshjet e shiut atje vijojnë me intensitet të lartë. Po ashtu, reshjet kanë nisur prej disa orësh edhe në Tiranë e qytete të tjera. Sipas parashikimeve meteorologjike, pritet që në tre ditët në vazhdim të ketë mot me vranësira e reshje në të gjithë territorin e vendit./BW
