U përmbyll me sukses edicioni i katërt i Kampionatit Ndërkombëtar të Volejbollit BALFIN.
Në këtë kampionat të përvitshëm, marrin pjesë punonjës të kompanive të Grupit BALFIN, nga të gjitha vendet ku ndodhet i pranishëm.
Këtë vit, katër ekipet finalistë ishin ACREM, Neptun Maqedonia, BALFIN Construction dhe Neptun Kosova.
Ndeshjet gjysmëfinale dhe finalja e madhe u zhvilluan në Parkun Olimpik “Feti Borova” në Tiranë, ku ishin të pranishëm edhe punonjës të tjerë të Grupit, për mbështetje, por edhe për ta kaluar ndryshe kohën e lirë, nën një atmosferë të këndshme dhe nën emocione që përcon një lojë garuese.
Në finalen e zhvilluar mes ACREM dhe Neptun Kosovës, pas një ndeshjeje të fortë, ekipi ACREM arriti të fitojë kupën e edicionit të katërt të Kampionatit Ndërkombëtar të Grupitt BALFIN.
Fill pas përfundimit të kësaj ndeshjeje finale, Drejtoresha Ekzekutive e Grupit, Edlira Muka, mbajti një fjalim përshëndetës dhe mes rreshtave u shpreh se KampionatiNdërkombëtar i Volejbollit BALFIN reflekton bashkëpunimin dhe forcën e punës në ekip që mbizotëron në Grupin BALFIN.
“Ky kampionat tregoi se puna në ekip është vërtetë e rëndësishme. Ndihem e lumtur kur shoh se edhe kur humbasim apo nuk arrijmë të shënojmë pikë, ne vazhdojmë të mbështesim njëri-tjetrin”, tha Edlira Muka, e cila më pas i dorëzoi trofeun fituesve.
Kapitani i ekipit fitues ACREM, Artan Picari, tha se fitorja është rezultat i dedikimit dhe punës së palodhur gjatë përgatitjeve.
“Vlerësoj pjesëmarrjen në këtë kampionat si në cdo kampionat tjetër, por ky është edhe më i vecantë sepse përfshin kompani jashtë Shqipërisë, por që janë pjesë e Grupit BALFIN”, shtoi Picari.
Vendi i dytë shkoi për Neptun Kosova, kompaninë që ka fituar kupën e edicionit të parë të Kampionatit Ndërkombëtar të Volejbollit BALFIN.
Çmimi për “Lojtarin më të Mirë Mashkull” u dha për Elio Zhllimën nga ACREM, ndërsa cmimi për “Lojtarin më të Mirë Femër” shkoi për kapitenen e ekipit Neptun Kosova, Drita Nivokazi.
Ajo e konsideroi kampionatin si një mundësi të shkëlqyer për t’u socializuar me punonjës nga kompani të tjera të Grupit, por edhe për të kaluar kohë cilësore jashtë rutinës së punës.
