Këngëtarja me famë botërore, Beyonce do të riregjistrojë një nga këngët në albumin e saj të ri, pasi u përball me kritikat nga aktivistët e njerëzve me aftësi të kufizuara.
Kënga me titullin “Heated”, e cila u publikua të premten, përmbante një term nënçmues që shpesh është përdorur për të poshtëruar njerëzit me paralizë cerebrale spastike.
Sipas BBC-së, publicisti i Beyonce tha se fjala, e cila mund të ketë kuptime të ndryshme në SHBA, nuk është përdorur qëllimisht për të lënduar apo dëmtuar njerëzit.
“Do të zëvendësohet në tekst”, shtuan ata, por pa dhënë një afat kohor se kur do të ndodhë.
Ndërkohë, avokatja e njerëzve me aftësi të kufizuar Hannah Diviney, tha se kur fansat dëgjuan këngën e Beyonce të premten, u ndje “si një shuplakë në fytyrë” tek ata.
Organizata bamirëse e njerëzve me aftësi të kufizuar Scope, gjithashtu i kërkoi Beyonce-s që të ri-regjistronte këngën, duke lënë jashtë fyerjen.
“Fjalët kanë rëndësi sepse ato përforcojnë qëndrimet negative me të cilat përballen njerëzit me aftësi të kufizuara çdo ditë,” tha menaxheri i medias Warren Kirwan.
Ndërsa, shumë fansa të tjerë kanë dalë në mbrojtje të këngëtares, duke vënë në dukje se termi mund të ketë një kuptim tjetër në SHBA, ku shpesh përdoret për të nënkuptuar “të mërzitem” ose “të çmendesh”.
Pavarësisht polemikave të shumta, albumi i shtatë i Beyonce, Renaissance, pritet të kryesojë listat në mbarë botën këtë javë.
Në Mbretërinë e Bashkuar, aktualisht është albumi më i shitur nga pjesa tjetër e pesë të parave të kombinuara. Kënga kryesore, Break My Soul, gjithashtu pritet të jetë në krye të listave.
