Presidenti Ilir Meta ka kthyer për shqyrtim në Kuvend ligjin për “Për aktivitetet e turizmit detar”.
Presidenti Meta ka dhënë dhe arsyetimet e tij për kthimin e ligjit në Kuvend. Ndër të tjera, Meta shprehet se në këtë ligj janë përdorur fjalë të huaja të cilat nuk përmbahen në fjalorin e gjuhës shqipe.
Më tej në arsyetimin e kthimit të këtij ligji, Presidenti shprehet se “ky ligj, për shkak të çështjeve që do të shtjellohen në vijim të këtij materiali shoqërues, ka nevojë për përmirësim dhe duhet të rishqyrtohet në tërësi nga Kuvendi i Shqipërisë, në përputhje me rregullat, parimet kushtetuese dhe legjislacionin në fuqi në Republikën e Shqipërisë.”/ Opinion.al
