Policia e Tiranës la reaguar lidhur me videon e publikuar në media, ku disa vajza të mitura, janë konfliktuar fizikisht.
Në njoftimin e policisë thuhet se në bashkëpunim edhe me drejtorinë e shkollës “Kongresi i Manastirit”, u bë i mundur identifikimi i një të mituri që kishte filmuar konfliktin, si dhe identifikimi i 4 të miturave të përfshira në konflikt.
Në ambientet e Komisariatit të Policisë Nr. 6, në prezencë të prindërve dhe të punonjësve socialë, janë shoqëruar dhe po intervistohen 5 të mitur të moshave 13 dhe 14 vjeç, një djalë e 4 vajza.
Policia thotë se ka rezultuar se ngjarja ka ndodhur me datë 15.02.2023, në rrugën “3 Dëshmorët”, dhe jo në ambientet e shkollës.
Vijon puna për sqarimin e rrethanave të konfliktit nëpërmjet shtetaseve të mitura.
