Një konflikt familjar, mes dy krushqive ku u përdor dhe arma e zjarrit ndodhi ditën e sotme në Valias. Policia arriti të parandalojë përshkallëzimin e mëtejshëm të tij duke arrestuar në flagrancë disa persona, ndër të cilët 61-vjeçarin M.V.
Ai ushtroi dhunë fizike dhe plagosi lehtë me qytën e një pistolete, 43-vjeçarin N.D, vëllai i dhëndrit të tij, i cili ndodhet në spital jashtë rrezikut për jetën.
Në flagrancë u arrestua edhe 40-vjeçari A.D., pasi dyshohet se ka ushtruar dhunë fizike dhe psikologjike ndaj bashkëshortes në banesën e tyre.
U ndalua gjithashtu S.V., 63 vjeç, për veprën penale ”Plagosje e lehte me dashje” dhe 28-vjeçari SH.V., për veprat penale “Plagosja rëndë me dashje”, ”Armëmbajtje pa leje”.
Njëkohësisht janë shpallur në kërkim dhe po punohet për kapjen e 4 personave, A.V., D.V., S.N. dhe N.D.
Në cilësinë e provës materiale është sekuestruar një armë zjarri pistoletë me katër fishekë, ndërsa materialet proceduriale do t’i referohen Prokurorisë së Rrethit Gjyqësorë Tiranë për veprimet të metejshme./Opinion.al
